Një ngjarje e rëndë ka ndodhur sot në lagjen 28 në Fushë Kosovë, ku një fëmijë një vjeç e gjysmë ka humbur jetën si pasojë e një aksidenti, raporton Gazeta Sinjali.
Sinjali mëson se ngjarja ka ndodhur në oborrin e shtëpisë së tij, ku babai i fëmijës dyshohet se ka goditur me veturë të miturin, duke i shkaktuar atij lëndime të rënda.
Fëmija është dërguar me urgjencë në Qendrën Klinike Universitare të Kosovës, por intervenimi i stafit mjekësor ka qenë i kotë, pasi që mjeku kujdestar ka konstatuar i mituri tashmë kishte ndërruar jetë.
Ndërkohë njësitë policore kanë dalë në vendin e ngjarjes, ku po kryejnë ekzaminimet e nevojshme të cilat çojnë në zbardhjen e rrethanave të rastit.
Me urdhër të prokurorit, trupi i pajetë i të ndjerit është dërguar në Institutin e Mjekësisë Ligjore për obduksion, teksa rasti është cilësuar ‘Shkaktim i rrezikut të përgjithshëm’.
