Kryesindikalisti i arsimit, Rrahman Jasharaj ka thënë se asnjëherë se që nga paslufta s’ka ndodhur që sindikatat të marrin mesazhe fyese, e presione nga ana e qeverisë.
Jasharaj tha se nuk është mirë që në vitin 2022 të përballemi me greva, dhe t’i shkojë zëri i zi Qeverisë edhe në Bruksel.
Ai komentoi faktin se, edhe pas takimit me Kurtin, nuk u arrit ndonjë marrëveshje mes dy palëve derisa akuzoi Kryeministrin se nuk e bëri asnjë hap drejt plotësimit të kërkesave të sindikalistëve.
“Ata përcjellin mesazhe fyerje, presione duke thënë se do t’i ndalin pagat, Nuk ka ndodhur në Kosovën e pasluftës pagat dhe të gjitha të drejtat na ka mohuar pushtuesi. Nuk është mirë që në vitin 2022 të përballemi me gjëra të tilla dhe t’i shkojë Qeverisë zani i zi edhe në Bruksel pa fajin tonë. Nëntë muaj rrugëtim, mezi e bëmë një takim me Kurtin, e asnjë milimetër nuk e bëri tutje, por u thirr në fjalin time “si vëllai””, tha Jasharaj në Kanal 10.
