Skuadra futbollistike Ballkani është përballur me një situatë të frikshme në kohën kur po kthehej për në Prishtinë.
Aeroplani i cili ishte duke fluturuar drejt Prishtinës, është detyruar të kthehet përsëri në Pragë, pasi është plasaritur dritarja e pilotit.
Burime të Indeksonline bëjnë të ditur se aeroplani ndodhej afër kufirit me Gjermaninë kur piloti ka vërejtur plasaritjen e dritares së përparme.
Nuk dihet ende se çfarë ka shkaktuar plasaritjen e drirates së aeroplanit. Më pas, aeroplani u rikthye në aeroportin e Pragës ku ka bërë ulje të detyrueshme.
Burime të Indeksonline bëjnë të ditur se aeroplani i Ballkanit do të fluturojë brenda pak minutash për në Prishtinë. Gjendja e lojtarëve dhe stafit është e mirë.
