Qeni sulmon një fëmijë në Suharekë, babai e çon në Polici pronarin


Sulmet e qenve endacakë jo vetëm në Prishtinë por edhe në qytete tjera janë në rritje. Shumë herë qytetarët e kanë pësuar keq nga këto sulme, e në shumë raste viktima kanë qenë edhe fëmijët. Një rast i tillë ka ndodhur edhe pasditen e së dielën në fshatin Rrafshi i Sopisë në Suharekë, por këtë herë jo nga një qen endacak, raporton Gazeta Sinjali.

Burimet nga Emergjenca kanë bërë me dije se një fëmijë 12-vjeçar është sulmuar nga qeni, i cili dyshohet se ishte lënë pa përkujdesje. Qeni nuk e ka kafshuar, mirëpo e mitura për shkak të frikës është rrëzuar gjatë ikjes dhe ka marrë lëndime trupore. Vogëlushja është pranuar në këtë qendër me lëndime në kokë e fytyrë, si dhe në disa pjesë tjera trupore.

Posa fëmija ka marrë trajtimin mjekësor, babai i tij e ka njoftuar edhe Policinë, me ç’rast pronari i qenit është intervistuar në cilësinë e të dyshuarit.

Hapsirë Reklamuese

Si rezultat i denoncimit të rastit, Prokurori i Shtetit ka urdhëruar nisjen e hetimeve në drejtim të veprës penale “Shkaktim i rrezikut të Përgjithshëm”.