Ekuadori ka arritur një fitore të madhe ndaj Gjermanisë, duke triumfuar me rezultat 2-1 pas një përmbysjeje emocionuese.
Ndeshja nisi me ritëm të lartë, pasi Gjermania kaloi herët në epërsi përmes Leroy Sane, duke dhënë përshtypjen se do ta kontrollonte takimin.
Megjithatë, Ekuadori reagoi shpejt dhe arriti ta barazojë rezultatin, duke e kthyer ndeshjen në një duel të hapur dhe me shumë intensitet.
Pas një pjese të parë të barabartë, skuadra amerikano-latine u tregua më konkrete në vazhdim, ndërsa goli i fitores erdhi në minutën e 78-të përmes Platës.
Me këtë rezultat, Ekuadori arriti në kuotën e katër pikëve dhe siguroi kualifikimin në fazën me eliminim direkt si një nga ekipet më të mira të vendeve të treta.
Në anën tjetër, Gjermania e kishte siguruar më herët vendin e parë në grup, por humbja ndaj Ekuadorit mbetet një befasi e madhe e kësaj faze.
Burimi: Top Channel