Mesut Özil mund të rikthehet në futboll, por këtë herë jo si lojtar. Ish-ylli i Arsenalit dhe Gjermanisë raportohet se po synon një rol drejtues në futbollin turk.
Sipas raportimeve, Özil po e shqyrton mundësinë që të kandidojë për president të Federatës Turke të Futbollit.
Pas pensionimit nga futbolli aktiv, ai ka mbetur figurë e njohur në Turqi dhe vazhdon të ketë ndikim të madh te publiku sportiv.
Nëse vendos të hyjë zyrtarisht në garë, kandidatura e tij do të tërhiqte vëmendje të madhe, sidomos për shkak të karrierës së gjatë ndërkombëtare dhe lidhjeve të tij me futbollin turk.
Burimi: Indeksonline