Në kujtim dhe nderim të Epopesë së Ushtrisë Çlirimtare të Kosovës dhe heroizmit të komandantit legjendar Adem Jashari, familjes Jashari dhe gjithë të rënëve për lirinë dhe pavarësinë e Kosovës, edhe këtë vit është bërë ndezja e flakadanëve të lirisë në Prekaz.

Ky aktivitet i cili zhvillohet çdo mars për nder të Epopesë së UÇK-së, edhe këtë vit është bërë në kompleksin memorial “Adem Jashari” 

Ndezja e flakadanëve që simbolizon përhapjen e flakës së lirisë në gjithë vendin, edhe sivjet bëri bashkë me qindra qytetarë shqiptarë.

Kjo natë përmbledh kujtimin tre ditor të sakrificës dhe flijimit të familjes Jashari apo Epopesë së Ushtrisë Çlirimtare të Kosovës.

Ndryshe, nata në të cilen ndizen flakadanët në Prekaz quhet edhe si “Nata e Zjarreve”