Kryetari i Suharekës, Bali Muharremaj ka bërë të ditur përmes një postimi që është siguruar projekti dhe lokacioni për stadiumin.
Muharremaj theksoj se lokacioni si parcelë kadastrale, në sipërfaqe 16 hektar është miratuar nga PZHK dhe HZK.
Postimi i plotë:
Ne jemi gati me detyrat tona si komunë për stadiumin.
Sipas asaj që u deklarua në fundmi nga Ministri i Kulturës Rinisë dhe Sportit z.Çeku, se komuna duhet ta ketë projektin dhe lokacionin, siq theksuam edhe para disa ditëve ne u angazhuam seriozisht.
Ekziston lokacioni si parcelë katastrale, në sipërfaqen 16 hektar, ku është i miratuar në PZHK dhe HZK.
Poashtu e kemi edhe projektin ideor të stadiumit të qytetit – kategoria 4 me kapacitet rreth 17 mijë ulëse.
Ne i mirëpresim zyrtarët nga ministria në fjalë për të vazhduar me procedurat tjera.
Natyrisht sonte presim fitoren e klubit “ FC Ballkani”, ku bashkë besoj se do të festojmë në Sheshin e Qytetit.
Bali Muharremaj
