Fidajie Kukaj nga fshati Gelancë, infermiere e përkushtuar dhe e njohur për profesionalizmin e saj në Qendrën Kryesore të Mjekësisë Familjare (QKMF) në Suharekë, ka vendosur të rikandidojë për një mandat të dytë në Asamblenë Komunale, nga radhët e Aleancës për Ardhmërinë e Kosovës (AAK).
E diplomuar në Fakultetin e Infermierisë, Kukaj punon prej vitesh në njësinë e vaksinimit të QKMF-së, ku kujdesi i saj është ndjerë nga mijëra qytetarë – nga fëmijët e porsalindur, e deri te të moshuarit. Gjatë pandemisë COVID-19, ajo ishte në vijën e parë të përballjes me krizën shëndetësore, duke shërbyer me përkushtim të jashtëzakonshëm dhe përgjegjësi të lartë.
Në mandatin e saj të parë si asambleiste komunale, Fidajie Kukaj ishte një nga më të votuarat, duke fituar besimin e qytetarëve dhe duke përfaqësuar me dinjitet komunitetin dhe profesionin që e përfaqëson.
Kandidatura e saj për mandatin e dytë synon ta forcojë më tej zërin e sektorit shëndetësor në vendimmarrje, si dhe të mbrojë interesat e qytetarëve në fushat kyçe të kujdesit shëndetësor, mirëqenies sociale dhe mbështetjes për profesionistët e mjekësisë.
Kryetari Bali Muharremaj ka vlerësuar lart kontributin e saj, duke theksuar se Fidaije Kukaj përfaqëson modelin e një profesionisteje të ndershme, të përkushtuar dhe të afërt me qytetarin.