Sonte, nga ora 19:00, në RTV Dukagjini transmetohet emisioni “Përnime” me Jeta Xharrën, ku zhvillohet debati i parë mes kandidatëve për kryetar të Komunës së Suharekës për zgjedhjet e 12 tetorit.
Ky debat shënon hapjen e ballafaqimit publik mes kandidatëve, duke u dhënë qytetarëve mundësinë të dëgjojnë drejtpërdrejt programet, idetë dhe premtimet që ata ofrojnë për katër vitet e ardhshme.
Temat që pritet të dominojnë debatin lidhen me zhvillimin ekonomik të komunës, projektet infrastrukturore, arsimin, shëndetësinë, shërbimet për qytetarët, si dhe transparencën në qeverisje.
Qytetarët e Suharekës do të kenë kështu një pasqyrë më të qartë mbi vizionet e kandidatëve, duke e bërë më të lehtë vendimmarrjen e tyre në ditën e votimit.
