Gent Gashi, kandidat për Asamblenë Komunale nga radhët e AAK-së dhe njëkohësisht kryetar i fshatit Studençan, ka ndarë një tjetër arritje të rëndësishme për vendlindjen e tij.
Në një postim publik, ai u shpreh:
“Ooo nuk kemi me lanë projekt pa e përfunduar në Studençan! Sot, bashkë me Fulin, në bashkëpunim me qytetarët dhe duke mos harruar përkrahjen e kryetarit Bali Muharremaj, e kemi zgjeruar rrjetin e ndriçimit publik në disa lagje të fshatit tonë. Ky është vetëm një hap tjetër drejt një Studençani më të ndriçuar e më të zhvilluar. Edhe këtu nuk përfundon – vazhdojmë përpara me +4 projekte të reja!”
Ky zotim i Gashit për të mos lënë asnjë projekt të papërfunduar e bën atë një nga figurat më të vendosura për të sjellë zhvillime konkrete në zonën e tij. Përmes bashkëpunimit me banorët dhe me mbështetjen institucionale, ai ka dëshmuar se puna e përditshme dhe përkushtimi sjellin rezultate të prekshme për qytetarët.
Gent Gashi kandidon për Asamblenë Komunale të Suharekës nga AAK me numrin 11 në listë. Ai synon që përvoja dhe energjia e tij të reflektojnë në një përfaqësim aktiv dhe vizionar në Kuvendin Komunal.
