Ish-presidentja e Republikës së Kosovës, Atifete Jahjaga, ka ushtruar të drejtën e saj për të votuar në zgjedhjet lokale që po mbahen sot.
Përmes një postimi në Facebook, Jahjaga ka bërë thirrje për pjesëmarrje të gjerë qytetare në këtë proces demokratik.
“Votova sot si qytetare e Prishtinës. Inkurajoj të gjithë bashkëqytetarët të ushtrojnë të drejtën e tyre për të votuar”, ka shkruar ajo.
Jahjaga njihet për angazhimin e saj të vazhdueshëm në mbrojtjen e të drejtave të njeriut dhe promovimin e pjesëmarrjes qytetare në procese demokratike.