news image
Komisioni Qendror i Zgjedhjeve ka nisur sot procesin e numërimit të fletëvotimeve të ardhura me postë nga votuesit jashtë Kosovës.
Numërimi ka filluar para pak minutash, ashtu siç ishte paralajmëruar një ditë më parë, që procesi do të niste në orën 10:00.
Lajmin e ka bërë të ditur në një konferencë për media zëdhënësi i KQZ-së, Valmir Elezi, i cili tha se ekipet janë tashmë në Qendrën e Numërimit dhe Rezultateve dhe procesi po zhvillohet sipas procedurave të rregullta.
Sipas Elezit, pas përfundimit të fazës së vlerësimit do të publikohen të dhënat për numrin e pakove të fletëvotimeve të supozuara, të cilat pritet të numërohen gjatë ditës në QNR.
Procesi i votimit me postë përfshin mijëra qytetarë të regjistruar jashtë vendit, të cilët kanë ushtruar të drejtën e votës në balotazh për zgjedhjet komunale.
Rezultatet mund t’i ndiqni Ketu:
https://resultslocal2025r2.kqz-ks.org/crc?municipality=24&votingStation=0&pollingClass=0&voteType=4