Vjosa Osmani ka reaguar pas zhvillimeve të fundit brenda Lidhjes Demokratike të Kosovës, ku disa degë të partisë kanë kërkuar dorëheqjen e kryetarit Lumir Abdixhiku.
Osmani ka publikuar fotografi nga një takim me Abdixhikun në Viti, duke përcjellë një mesazh mbështetës në këtë periudhë debatesh brenda LDK-së.
“Kur qëllimi është i drejtë, asnjë rrugë nuk është tepër e vështirë për t’u kaluar bashkë”, ka shkruar ajo në postimin e saj.
Ajo po ashtu ka falënderuar degën e LDK-së në Viti për punën, angazhimin e vazhdueshëm dhe qëndrimet mbështetëse.
Reagimi vjen në kohën kur në LDK janë shtuar diskutimet për përgjegjësinë politike dhe drejtimin e partisë pas zhvillimeve të fundit zgjedhore.
Burimi: Paparaci