Analisti politik Lulzim Peci ka komentuar mungesën e Kosovës në Samitin e NATO-s, duke thënë se situata institucionale ndikon drejtpërdrejt në përfaqësimin ndërkombëtar të vendit.
Sipas tij, në takime të tilla marrin pjesë kryetarë shtetesh dhe qeverish të vendeve anëtare, ndërsa Kosova nuk është anëtare e NATO-s dhe nuk ka pasur hapësirë të drejtpërdrejtë për pjesëmarrje.
Peci ka vlerësuar se mungesa e institucioneve të plota shtetërore e bën më të vështirë edhe komunikimin diplomatik në raste kur partnerët ndërkombëtarë do të donin të kishin përfaqësues nga Kosova.
Ai e lidhi këtë çështje me nevojën që Kosova të ketë stabilitet institucional dhe përfaqësim të qartë në arenën ndërkombëtare.
Burimi: Lajmi.net