Një incident ka ndodhur pas mbledhjes së Komisionit për Punë të Jashtme, raporton Gazeta Express.
Disa burime kanë bërë të ditur se pas kësaj mbledhjeje, deputeti i LVV-së, Gazmend Gjyshinca, është përfshirë në një përplasje me deputetët e LDK-së Arben Gashi dhe Kujtim Shala.
Paraprakisht Shala dhe Gjyshinca kishin pasur edhe një përplasje në Komision.
“Dua të lidhem shkurt me profesorin akademikun e nderuar Kujtim Shalën që është edhe deputet. Z. Shala ju jeni profesor edhe e dini rëndësinë e parimit. Pse jemi kaq keq është për shkak të mungesës së parimeve, rri aty…”, kishte thënë Gjyshinca në komision.
“Ti po më kallëzon a”, i është përgjigjur Shala.
Vetëvendosja për të folur lidhur me këtë temë ka thirrur një konferencë të jashtëzakonshme për media. /GazetaExpress/