Ushtria izraelite tha se zbuloi një raketë të lëshuar nga Jemeni herët të shtunën, predha e parë që ka aktivizuar sirenat në vend që nga një armëpushim i arritur midis Izraelit dhe Iranit gati një javë më parë.
Nuk ka pasur raportime për goditje, lëndime apo dëme, sipas shërbimit të emergjencës së Izraelit, Magen David Adom, shkruan CNN.
Rebelët Huthi me bazë në Jemen, të mbështetur nga Irani, kanë qëlluar rregullisht me raketa Izraelin që kur filloi lufta e tij në Gaza në tetor 2023.
“Sirenat u dëgjuan në përputhje me protokollin”, tha IDF në një deklaratë.
Paralajmërimet e lëshuara nga Komanda e Frontit të Brendshëm e IDF-së u lëshuan për disa zona në jug të Jerusalemit, përfshirë pranë Detit të Vdekur.