Në një kohë kur qytetarët kërkojnë përfaqësim të denjë, me integritet dhe përvojë konkrete, Albert Elshani vjen si një nga kandidatët më të përgatitur në listën e Lidhjes Demokratike të Kosovës për Asamblenë Komunale të Suharekës. Ai garon me numrin 26, dhe përfaqëson një profil që i bashkon vlerat e atdhedashurisë, dijes teknike dhe përkushtimit qytetar.
Albert Elshani është veteran i UÇK-së, pjesë e brezit që nuk e ka dashur Kosovën vetëm me fjalë, por me vepra. Sot ai vazhdon kontributin e tij në paqe si profesionist dhe qytetar aktiv.
Me profesion Inxhinier i Diplomuar i Ndërtimtarisë, ai ka mbi dy dekada përvojë në menaxhimin e projekteve të mëdha infrastrukturore në Kosovë, Shqipëri dhe Mal të Zi. Ka udhëhequr ndërtimin e rrugëve, urave, shkollave, spitaleve, ujësjellësve e shumë objekteve të tjera me rëndësi publike. Projektet që ka realizuar janë financuar nga BE, NATO, BERZH, qeveri vendore dhe donatorë ndërkombëtarë.
Përveç përvojës së pasur profesionale, Alberti është njohur gjithmonë për integritetin e tij personal dhe përkushtimin ndaj zhvillimit të vendit. Ai ofron garanci për vendimmarrje të matur, ndershmëri në përfaqësim dhe ide konkrete për një zhvillim të balancuar të komunës sonë.
Më 12 tetor, qytetarët e Suharekës kanë mundësinë të votojnë për një kandidat që ndërton jo vetëm ura dhe rrugë, por edhe besim dhe progres në politikën lokale. Me numrin 26 në listën e LDK-së (113), Albert Elshani është zëri që i duhet Suharekës.
#AlbertElshani26
#LDK113
