Analisti politik Dibran Hoxha, i cili nga nesër do të marrë postin e drejtorit të ORCA – Organizata për Rritjen e Cilësisë në Arsim, ka bërë një deklaratë të fortë lidhur me zgjedhjet në Suharekë. Ai është shprehur i bindur se kandidati i LDK-së, Ardian Shala, do të dalë fitues, duke rrëzuar nga pushteti kryetarin aktual Bali Muharremaj.
Përkrahje e hapur për LDK-në në Suharekë
Hoxha nuk ka fshehur simpatinë e tij politike, duke e përkrahur hapur Ardian Shalën. Ai ka theksuar se ndryshe nga perceptimi publik se Muharremaj ka një pozicion të fortë, në realitet qytetarët e Suharekës janë të lodhur dhe të zhgënjyer nga menaxhimi aktual.
Kritika për Muharremajn
Sipas Hoxhës, Bali Muharremaj ka ditur ta përdorë marketingun politik, duke e quajtur këtë një aftësi të tij, por që sipas tij nuk mjafton për ta mbajtur pushtetin.
Ai madje ka ironizuar edhe me “çizmet e Muharremajt”, të cilat shpesh janë bërë pjesë e imazhit të tij në terren. Përtej kësaj, Hoxha ka hedhur akuza më të rënda, duke pohuar se kryetari aktual ka kontraktuar disa herë ndërtimin e rrugëve, pa i përfunduar ato.
