Analisti politik Bleron Baraliu ka komentuar zhvillimet brenda Partisë Demokratike të Kosovës, pak ditë para Konventës së Jashtëzakonshme ku do të zgjidhet kryetari i ri i partisë.
Në një reagim në rrjetet sociale, Baraliu është shprehur skeptik lidhur me kandidaturën e Bedri Hamzës, i cili tashmë ka konfirmuar garën për të marrë drejtimin e PDK-së.
Sipas Baraliut, ardhja e Hamzës në krye të PDK-së nuk do të sillte energji të reja apo fitore të reja, por do të nënkuptonte dorëzim politik para se partia të shkojë në zgjedhje.
“Me Bedri Hamzën nuk ka fitore të reja, ka veç dorëzim. PDK nuk është mirë të dorëzohet ende pa dalë në zgjedhje”, ka shkruar Baraliu.
Konventa e jashtëzakonshme e PDK-së pritet të mbahet të hënën, ndërsa gara e brendshme po shoqërohet me reagime dhe debate të shumta nga figura të ndryshme të partisë dhe analistë politikë.
