Kandidati për kryetar të Komunës së Suharekës nga radhët e LDK-së, Ardian Shala, ka reaguar me një mesazh prekës pas ndarjes nga jeta të dajës së tij, Dr. Sali Bytyçit, duke e kujtuar atë si njeri të përkushtuar ndaj humanizmit dhe atdheut.
Në postimin e tij, Shala ka shkruar se Dr. Bytyçi ia kushtoi tërë jetën humanizmit dhe atdhetarizmit, duke qenë gjithmonë pranë pacientëve dhe duke dhënë një kontribut të pashoq për vendin.
“Kështu i mbylli sytë përgjithmonë daja dhe doktori ynë Sali Bytyçi! Ai dha lamtumirën e fundit me etjen për bashkimin kombëtar dhe kontributin e pashoq ndaj pacientëve e atdheut,” ka shkruar Ardian Shala.
Ai shtoi se jeta e Dr. Bytyçit mbetet e skalitur me bamirësi dhe dashuri për atdheun, duke i dhënë një shembull të vyer brezave që vijnë.
“Daja Sali, sot na le me pikëllim të gjithëve, por le të skalitur një jetë tënden me bamirësi dhe atdhedashuri! Pusho i qetë në parajsën e pasosun,” përfundoi Shala.
