Sot me ekipin, ndjeva emocionet që të sjell ndjenja e fuqishme e fitores, fitore që buron nga besimi i bashkëvendësve të mi, nga vendlindja ime për rrugën e sfidave që lidhen me përkushtimin në qeverisje, për moralin tim të punës dhe ndjenjën e barazisë.
Energjia, motivimi dhe mbështetja që marr në Mushtisht, është përtej çdo manipulimi dhe përpjekjes që qeverisja e keqe dëshiron ta blej. Këtë e shoh te qytetarët që takoj, te miqtë që besojnë në jetë e kushte më të mira, të cilat pushteti aktual, nuk i ka zgjidhur.
Në këtë vend të bekuar për mua, së bashku me kandidatin për Asamble, Ali Shalën, morëm mesazhin se fitorja është jona. Qeverisja e mirë që po vije, në Mushtisht, do të ndërmarrë këto veprime:
Rregullimi i rrugëve lokale, rregullimi i qendrës së fshatit, shtegu i biçikletave dhe trotuarit nga fundi i fshatit e deri te udhëkryqi i Savrovës, intervenimi në ura, ndriçimi publik dhe vendosja e kamerave të sigurisë, trotuari prej xhamisë e deri në Baçevc, ndërtimi i çerdhes, rregullimi i shëtitores nga rruga për bjeshkë deri te kulla, rregullimi i shtratit të lumit, ndërtimi i rrugës për Gradac, pastrimi dhe rregullimi i shtratit të dy lumenjve dhe ndërtimi i kanaleve për ujitje.
Të gjitha këto, bëhen vetëm me qeverisjen e LDK-së.
Klientelizmit, nepotizmit dhe dukurive tjera të këqija qeverisëse, ju erdhi fundi.
Ndryshim!
Suhareka për të gjithë!
LDK 160!
Dr. Ardian Shala
