Lëvizja Vetëvendosje në Suharekë ka prezantuar aderimin e Egzon Makicës, arkitekt me përvojë dhe kontribute të çmuara në fushën e infrastrukturës dhe zhvillimit urban.
Lajmin e ka bërë të ditur kandidati për kryetar komune nga radhët e VV-së, Hamdi Bytyçi, i cili theksoi se Makica ndan të njëjtin vizion me këtë subjekt politik për një shoqëri më të qëndrueshme, moderne dhe transparente.
“Sot kemi kënaqësinë të prezantojmë z. Egzon Makica, arkitekt me përvojë dhe kontribute të çmuara në fushën e infrastrukturës dhe zhvillimit urban. Duke ndarë vizionin tonë për një shoqëri më të qëndrueshme, moderne dhe transparente, Egzoni i bashkohet familjes sonë politike për të dhënë energjinë dhe ekspertizën e tij në ndërtimin e së ardhmes që meritojmë,” ka shkruar Bytyçi në rrjete sociale.
Makica pritet të sjellë një perspektivë profesionale në fushën e urbanizmit dhe zhvillimit të qëndrueshëm, duke kontribuar në hartimin dhe realizimin e projekteve që përmirësojnë jetën urbane dhe hapësirat publike në komunën e Suharekës.
