Policia e Kosovës ka njoftuar se janë arrestuar dy persona në Suharekë nën dyshimin se kanë kryer veprën penale “Privimi i kundërligjshëm i lirisë”.
Të njëjtit, sipas policisë, po dyshohet se kanë mbajtur pa dëshirën e tij, një person në një kafiteri të mbyllur.
Rasti ka ndodhur më 28.02.2025.
“Janë arrestuar dy të dyshuar meshkuj kosovarë, pasi të njëjtit kishin privuar nga liria e lëvizjes viktimën mashkull kosovar duke e mbajtur atë në një kafiteri. Të dyshuarit kishin sulmuar fizikisht duke e goditur me grushte si dhe kanosur viktimën. Motivi i incidentit dyshohet të jetë një borxh të cilin viktima ua kishte personave të dyshuar. Me vendim të prokurorit të dyshuarit janë dërguar në mbajtje” – thuhet në njoftimin e PK-së.