Një rast i mbajtjes në pronësi, kontroll apo posedim të paautorizuar të armës është zbuluar mbrëmjen e së dielës në Suharekë, gjatë një patrullimi rutinë të Policisë së Kosovës.
Ngjarja ka ndodhur më 05.01.2026, rreth orës 19:30, në rrugën “Shkelzen Haradinaj”, ku zyrtarët policorë kanë ndaluar një automjet për kontroll. Sipas informatave zyrtare, vetura drejtohej nga E.Z., ndërsa në cilësinë e pasagjerit ndodhej L.Z.
Gjatë kontrollit të dokumentacionit dhe bastisjes së automjetit, policia ka gjetur dhe sekuestruar një pistoletë me gaz, kalibër 9 mm, një karikator dhe 20 fishekë të të njëjtit kalibër. I dyshuari ka pranuar verbalisht se arma i përkiste atij.
Në vendin e ngjarjes kanë dalë njësitë përkatëse nga Stacioni Policor në Suharekë, të cilat kanë konfiskuar armën si provë materiale. Lidhur me rastin është njoftuar Prokurori i Shtetit, i cili ka urdhëruar ndalimin e të dyshuarit për 48 orë.
Rasti është iniciuar për veprën penale të posedimit të paautorizuar të armës, ndërsa hetimet po vazhdojnë.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.