Gazetari Berat Buzhala ka komentuar në rrjetet sociale mbi zhvillimin e deritanishëm të fushatës dhe debateve për zgjedhjet lokale. Ai ka vlerësuar se, për dallim nga zgjedhjet nacionale, gara për pushtetet komunale po shfaq energji, debat përmbajtësor dhe një kulturë më të lartë demokratike.
“Deri tash, fantastike gara për pushtetet komunale. Po i shikoj dy-tri debate në mbramje dhe shumica e tyre janë pa ofendime personale. Ka polemika përmbajtësore dhe me interes për qytetarët,” ka shkruar ai, duke shtuar se kryetarët po detyrohen të japin llogari për lejet ndërtimore dhe projektet zhvillimore.
Megjithatë, Buzhala kritikoi kryetarin e Ferizajt, Agim Aliu, i cili sipas tij po i shpërfill kundërkandidatët. “Realistisht kjo është shpërfillje për qytetarët. Shpresoj që i hakmerret kjo arrogancë,” ka theksuar ai.
Analiza e subjekteve politike
Buzhala ka dhënë një pasqyrë të mundësive të partive kryesore:
- PDK – pritet të ruajë bastionet si Ferizaji, Skenderaji dhe Vushtrria, por ka humbur terren në komuna ku dikur ka qenë shumë e fuqishme, si Podujeva dhe Suhareka. Në të kundërt, ka gjasa të rikthehet në Lipjan e të forcohet në Gjilan e Pejë.
- LDK – trofeu kryesor sipas tij mbetet Prishtina, ku shanset për ta mbajtur janë më të mëdha se të tjerët, megjithëse të rrezikuara. Mund të rritet në Prizren e Suharekë, por jo sa për të fituar, ndërsa pritet të ruajë bastionet si Peja, Istogu, Juniku e Vitia.
- LVV – shihet si “befasia e zgjedhjeve”, që mund të përfundojë me vetëm një komunë, por edhe të fitojë disa të reja. Komunat aktuale si Gjilani, Podujeva e Kamenica janë në rrezik, por mund të fitojnë Fushe Kosovën, Mitrovicën apo edhe Prishtinën.
- AAK – pritet të ruajë me lehtësi bastionet tradicionale si Deçani, Gjakova, Suhareka e Rahoveci, si dhe të ketë gjasa të forta për Klinën. Sipas Buzhalës, Aleanca gjithmonë ka qenë më e suksesshme në zgjedhjet lokale.
- Nisma – pritet të ruajë Malishevën si bastion.
- PSD – sipas Buzhalës, ka shanse reale që këtë herë të marrë pushtetin në Kamenicë me kandidatin Qendron Kastrati dhe të fitojë rritje në Decan e Prishtinë.
- Lista Serbe – do të mbajë të gjitha komunat me shumicë serbe.
“Energjia e lokaleve, shembull për nivelin qendror”
Në fund të analizës së tij, Buzhala shprehu dëshirën që edhe politika qendrore të kishte energjinë e fushatave lokale. “Kisha pasë dëshirë që edhe gara për nivelin nacional me e pasë energjinë e njëjtë, e jo kështu qysh ka degradu,” u shpreh ai. Me