Një analizë e publikuar nga Bloomberg ka vlerësuar se plani i paqes prej 20 pikash i propozuar për Gazën mund të ketë sukses vetëm nëse mbështetet në modelin që u zbatua në Kosovë pas luftës së vitit 1999. Sipas artikullit, krijimi i një force ndërkombëtare të sigurisë, të ngjashme me KFOR-in e udhëhequr nga NATO, do të ishte mënyra më e efektshme për të garantuar stabilitet dhe për të parandaluar kthimin e konfliktit.
Në analizë thuhet se përvoja e Kosovës tregon se pa një prani ndërkombëtare të qëndrueshme në terren, asnjë marrëveshje paqeje nuk mund të mbijetojë. Modeli i KFOR-it, që për më shumë se dy dekada ka ruajtur rendin dhe sigurinë në Kosovë, paraqitet si shembull i suksesit për mënyrën se si mund të funksionojë një strukturë ndërkombëtare paqeruajtëse.
Bloomberg vlerëson se në rastin e Gazës, krijimi i një force të tillë me mandat të qartë dhe përfshirje të fuqive ndërkombëtare do të ishte vendimtar për zbatimin e çdo marrëveshjeje të ardhshme. Pa një mekanizëm të sigurisë dhe kontrollit të situatës në terren, çdo plan politik mbetet vetëm në letër.
Analistët që citohet në artikull theksojnë se modeli i Kosovës është shembulli më i afërt se si mund të ndërtohet një tranzicion nga lufta në paqe, me kombinimin e sigurisë ndërkombëtare dhe mbikëqyrjes politike. Për këtë arsye, përmendin se “nëse Gaza dëshiron paqe të qëndrueshme, duhet të mësojë nga përvoja e Kosovës”.