Buzhala krahason debatet zgjedhore: “Në Suharekë del fitues, por megjithatë është aty – në Ferizaj mungon”
Gazetari Berat Buzhala ka reaguar lidhur me debatet zgjedhore që po mbahen në televizione, duke krahasuar rastin e Suharekës me atë të Ferizajt.
Në një postim në rrjete sociale, ai ka theksuar se në RTK është zhvilluar debati për Suharekën, me pjesëmarrjen e katër partive kryesore. Sipas tij, edhe pse sondazhet e nxjerrin kryetarin aktual Bali Muharremaj fitues pa balotazh, ai ka marrë pjesë në debat, duke dëshmuar gatishmëri përballë qytetarëve.
Ndërsa, sipas Buzhalës, në RTV21 gjatë debatit për Ferizajn ka munguar kryetari Agim Aliu. Ai ka ironizuar se Aliu “po tutet” se pjesëmarrja në debate mund t’ia zvogëlojë votat.
“Ferizajas mos e votoni Agimin. Çojeni në balotazh. Uljani hunën”, ka shkruar Buzhala në përfundim.