Futbollisti i Kombëtares së Kosovës, Lumbardh Dellova, vazhdon të shkëlqejë në kampionatin bullgar. 26-vjeçari është shpallur lojtari më i mirë i javës së 31-të në elitën e futbollit të Bullgarisë, pas një performance të jashtëzakonshme me skuadrën e tij, CSKA Sofia.
Dellova u dallua me paraqitjen e tij vendimtare, duke ndihmuar ekipin drejt një fitoreje të rëndësishme.
Dellova ka zhvilluar 31 ndeshje në të gjitha garat këtë sezon, ku ka arritur të shënojë dy gola dhe të japë një asist.
Kujtojmë se sipas faqes së specializuar për vlerësimin e futbollistëve, ‘Transfermarkt’, vlera e qendërmbrojtësit kosovar është rreth 1 milion euro (900 mijë).