Policia e Kosovës, ka konfirmuar se supermarketi ‘ETC’ është kapluar nga zjarri, shkruan Gazeta Metro.
Zëdhënësi i Policisë për rajonin e Pejës, Fadil Gashi, ka thënë se të gjitha njësitet janë në vendin e ngjarjes, ndërsa ka shtuar se është shumë herët për të përcaktuar shkakun e zjarrit.
“Sot rreth orës 6:30 të mëngjesit policia është njoftuar nga sigurimi se zjarri e ka kapluar qendrën tregtare ETC në Klinë. Ka dalë në vendngjarje, zjarrfikësit janë aty. Nuk ka persona të lënduar. Nuk e di a është ndalë zjarri ende”, ka thënë Gashi.
Para disa muajsh ishte djegur edhe ETC në Pejë.