Këshillin e Bashkësisë Islame në Suharekë e vizitoi drejtori i Shkollës “MAARIF” në Prizren, z. Ibrahim Bucak, së bashku me bashkëpunëtorët e tij.
Delegacioni u prit nga kryetari i Këshillit, z. Haki Hoxha, i cili së bashku me stafin e institucionit shprehu mirënjohje për këtë vizitë miqësore dhe bashkëpunuese.
Gjatë takimit u diskutua për të arriturat e Këshillit të Bashkësisë Islame në Suharekë dhe të Shkollës “MAARIF” në Prizren, me fokus të veçantë në rëndësinë e edukimit fetar dhe arsimor në formimin e gjeneratave të reja.
Palët u dakorduan për forcimin e bashkëpunimit ndërinstitucional në fusha të përbashkëta, me synim avancimin e vlerave arsimore, morale dhe shoqërore që kontribuojnë në edukimin e shëndoshë të rinisë.
Në fund të takimit, u vlerësua se ky bashkëpunim do të shërbejë si shembull i mirë i ndërlidhjes ndërmjet institucioneve arsimore dhe fetare në dobi të komunitetit.
