Kryetari i Komunës së Suharekës, Bali Muharremaj, ka prezantuar një tjetër kandidate nga radhët e Aleancës për Ardhmërinë e Kosovës (AAK) për Asamblenë Komunale në zgjedhjet e 12 tetorit. Drizana Cikaqi – Elshani, me vendbanim në Dobërdelan, sjell në këtë garë një profil të veçantë që ndërthur dijen akademike me përvojën profesionale në fushën e teknologjisë dhe arsimit.
Ajo është e diplomuar në nivelin Bachelor në Shkenca Kompjuterike, Teknologji Informacioni dhe Telekomunikim, si dhe ka përfunduar studimet Master në Mësimdhënien e Teknologjisë dhe TIK-ut – një përgatitje që e bën të gatshme për të dhënë kontribut të drejtpërdrejtë në digjitalizimin dhe modernizimin e shërbimeve komunale.
Drizana Cikaqi – Elshani synon të angazhohet në avancimin e arsimit, promovimin e teknologjisë në shërbim të qytetarit, dhe përfshirjen më të gjerë të të rinjve në vendimmarrje, me një vizion të qartë për zhvillim të qëndrueshëm lokal.
“Kandidatura e saj nuk është vetëm përfaqësim, por edhe një mundësi reale për të sjellë inovacion dhe freski në qeverisjen lokale,” thuhet në prezantimin e bërë nga kryetari Muharremaj.
Pjesëmarrja e saj në listën për Asamblenë Komunale përfaqëson një hap drejt një Suhareke më moderne, më të dijshme dhe më të afërt me nevojat e brezit të ri.