Vatikani njoftoi të hënën se ka vdekur në moshën 88-vjeçare Papa Françesku. Në një grup humoristik në Facebook u publikua një shpallje tallëse për vdekjen e tij.

“Njoftim: Njoftojmë të gjithë miqtë dhe familjarët se me datë 21.04.2025 u nda nga jeta më i dashuri ynë, Papa Françesku” – thuhet në shpalljen tallëse.

“Varrimi i të ndjerit bëhet me datë 22.04.2025 në ora 18:–, në varrezat e qytetit në Arbëri, Prishtinë. Të pikëlluar thellësit, Familja Françesku” – shkruhet më tej.

Shpallja ishte e rrethuar me ngjyrë të gjelbër, e cila përdoret në njoftime mortore të myslimanëve.

Disa persona të tjerë e vazhduan talljen me komente të ndryshme në postim.

“E kan lan per neser se deri t’vjen ni vlla prej jashtit skish pas bileta per sot” – shkroi dikush.

“Xhenetli n dite pashkeve diq” – shkroi dikush tjetër.

“E kujton me mall gruaja e tij!” – ishte tallja e një tjetri.

Sidoqoftë, disave nuk u pëlqyen talljet me vdekjen e Françeskut. “E tepërt, unfollow e keni” – shkroi njëri prej tyre.