Një ngjarje e rëndë ka ndodhur dje në qytetin e Ferizajt, ku një person është gjetur pa shenja jete në banesë, në rrugën “Bajram e Gursel Sylejmani”. Viktima është një grua e moshuar, për vdekjen e të cilës tashmë është iniciuar hetimi, raporton Gazeta Sinjali.
Burimet e Sinjalit brenda Emergjencës kanë bërë me dije se viktima është D. Skopec (67-vjeçare), e cila u gjet e vdekur në banesën e saj.
Vdekjen e saj e ka konstatuar ekipi mjekësor, pas ekzaminimeve për shenjat vitale.
Si rezultat i denoncimit, në vendngjarje kanë dalë edhe njësitë përkatëse policore.
Lidhur me rastin, Prokurori i Shtetit ka urdhëruar hapjen e rastit për të sqaruar rrethanat e ngjarjes.
