Një ngjarje e rëndë është regjistruar në qytetin e Ferizajt të Kosovës, ku e një e mitur 11 vjeçe, dyshohet se është abuzuar seksualisht dy herë nga një burrë në tualetin publik të qytetit.
Autoritetet policore të Kosovës bëjnë me dije se autori i dyshuar është arrestuar dhe Gjykata Themelore në Ferizaj ka caktuar ndaj tij masën e paraburgimit për 1 muaj.
Bëhet me dije se pranë vendit ku ka ndodhur ngjarja, e mitura kishte banesën, ndërsa autori një lokal, ku shiste dhe cigare dhe gjëra ushqimore. Ky i fundit e ka marrë 11-vjeçaren, e ka çuar në tualetin publik dhe kanë kryer marrëdhënie seksuale pa pëlqimin e saj.
Njoftimi:
“Ekziston dyshimi i bazuar, se nga fundi i muajit janar 2025 deri në fillim të muajit shkurt 2025, në vazhdimësi në një rrugë të Ferizajt, përkatësisht në tualetin publik të hyrjes së një ndërtese afër lokalit ‘T.’ pronë e të pandehurit, i pandehuri ka detyruar të dëmtuarën e mitur e moshës 11-vjeçare, që të kryej akt seksual pa pëlqimin e saj, në atë mënyrë derisa kishte shkuar në lokalin që gjendet në hyrje të banesës së saj ku i pandehuri shiste cigare, gjëra ushqimore, i pandehuri e kishte marrë të dëmtuarën e kishte çuar në tualet publik në hyrje të banesës, në të cilën i pandehuri kishte kryer akt seksual dhe sipas të dëmtuarës rast i njëjtë kishte ndodhur edhe një herë tjetër para disa ditëve”.