Prishtinë, 1 Prill 2025 – Një marrëveshje e papritur politike ka tronditur skenën politike kosovare! Kryeministri në detyrë, Albin Kurti, ka arritur t’i sigurojë votat për krijimin e qeverisë së re, por me një risi të madhe: ekzekutivi do të udhëhiqet nga Lidhja Demokratike e Kosovës (LDK), ndërsa Kurti do të marrë postin e Presidentit të Republikës së Kosovës.

Burime të afërta me negociatat bëjnë të ditur se Vjosa Osmani do të rikthehet në LDK dhe do të marrë postin e Kryetares së Kuvendit. Ky zhvillim ka shkaktuar reagime të ashpra nga partitë opozitare, të cilat e kanë cilësuar këtë si një ‘tradhëti politike’ dhe një ‘pazare në kurriz të votuesve’.

Sipas marrëveshjes së re, LDK do të ketë shumicën e ministrive kyçe, përfshirë Ministrinë e Punëve të Jashtme dhe Ministrinë e Financave. Ndërkohë, Lëvizja Vetëvendosje do të mbajë disa pozita të rëndësishme në administratë, ndërsa posti i Presidentit për Kurtin shihet si një kompromis për të mbajtur stabilitetin politik në vend.

Partitë e tjera opozitare, përfshirë PDK-në dhe AAK-në, janë shprehur të revoltuara nga ky vendim dhe kanë paralajmëruar protesta masive në ditët në vijim.

Megjithatë, për të gjithë ata që janë befasuar nga ky lajm… Ju urojmë një 1 Prill të gëzuar! Kjo është vetëm një shaka, por kush e di? Ndoshta një ditë politika kosovare do të na sjellë befasi edhe më të mëdha!