Gazeta Sinjali mëson ekskluzivisht se Policia ka arrestuar dy të rinj në Suharekë, pasi u kapën me substanca narkotike gjatë një kontrolli rutinë.
Ngjarja ka ndodhur më 1 shtator 2025, rreth orës 19:30, në rrugën “Xhavit Bajraktari”.
Patrulla policore ndaloi një veturë Opel Corsa, me shofer dhe pasagjer.
Gjatë kontrollit, shoferi nxori nga gjepi një qese me marihuanë, ndërsa pasagjeri kishte me vete një pako me rizlla (OCB). Të dy pranuan se janë përdorues të narkotikëve.
Pas kontrollit të mjetit, nën ulësen e shoferit u gjet edhe një qese tjetër me substancë të dyshuar narkotike. Në total u sekuestruan: dy qese me marihuanë me peshë 25 gram, një pako rizlla (OCB) dhe dy telefona mobil.
Me autorizim të Prokurorit Kujdestar në PTH Prizren, të dyshuarit janë ndaluar për 48 orë nën dyshimin për veprën penale “Posedim i paautorizuar i narkotikëve, substancave psikotrope dhe analoge” (neni 269 i KPRK-së).
Hetimet e mëtejshme po i zhvillon Njësia për Hetimin e Trafikimit me Narkotikë në Prizren.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.