Policia e Kosovës ka identifikuar dhe e ka arrestuar një person që kishte kanosur kryeministrin Albin Kurti para disa ditësh, raporton Sinjali.
Sinjali ka mësuar ekskluzivisht edhe emrin e personit që dyshohet se e kërcënoi kryeministrin Albin Kurti përmes rrjeteve sociale e që bëhet fjalë për 21 vjeçarin, Milan Radivojevic.
I dyshuari u arrestua dje nga Policia e Kosovës në Zveçan dhe se tashmë me vendim të prokurorit është dërguar në mbajtje.
Gjatë aksionit për prangosjen e 21 vjeçarit, është kryer një kontroll në banesën e tij, ku është gjetur dhe sekuestruar një armë gjuetie pa leje.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
