Kryetari i Komunës së Suharekës, Bali Muharremaj, ka prezantuar sot një tjetër kandidat të Aleancës për Ardhmërinë e Kosovës (AAK) për Asamblenë Komunale – Fatjon Fandaj nga fshati Peqan.
Fatjoni ka përfunduar studimet në drejtimin Shkenca Ushqimore, dhe vjen si përfaqësues i një gjenerate të re që beson në dijen, punën dhe përfshirjen aktive në zhvillimin e vendit. Me një qasje moderne dhe energji rinore, ai synon të sjellë një zë të freskët në politikën lokale, me fokus të veçantë në të rinjtë, fshatin dhe zhvillimin e qëndrueshëm të komunës në përgjithësi.
“Koha është që rinia të mos mbetet spektatore, por të jetë pjesë e vendimmarrjes,” ka theksuar kryetari Muharremaj në prezantimin e tij.
Kandidatura e Fatjonit pritet të fuqizojë përfaqësimin e brezit të ri në institucionet komunale, duke e bërë politikën më përfshirëse dhe më afër nevojave të komuniteteve rurale e urbane njëherësh.