Në tubimin e sotëm, kandidati për Asamblenë Komunale të Suharekës, Flamur Bytyçi, u shpreh i bindur se rrugëtimi i LDK-së në këtë garë po ecën drejt fitores së madhe. Ai e cilësoi takimin si një hap të rëndësishëm, duke falënderuar të gjithë të pranishmit për besimin dhe përkushtimin e treguar.
Pjesëmarrja e kryetarit të LDK-së, Lumir Abdixhiku, i dha tubimit një dimension të veçantë, duke dëshmuar se Lidhja Demokratike e Kosovës është e bashkuar dhe e vendosur për ta çuar përpara vizionin për një “Suharekë Përtej”.
Flamur Bytyçi theksoi se ky mobilizim është dëshmi se qytetarët e Suharekës janë gati për ndryshim dhe për një të ardhme më të drejtë. “Falënderim i veçantë për secilin që sot dëshmoi besim dhe përkushtim”, u shpreh ai.
Flamur Ukë Bytyçi garon me numrin 5 në listën e LDK-së për Asamblenë Komunale, përkrah kandidatit për kryetar, Dr. Ardian Shala (113).
