Kandidati për deputet nga Lidhja Demokratike e Kosovës, Flamur Ukë Bytyçi, ka vazhduar sot aktivitetet e tij politike në disa qytete të vendit, duke u takuar me qytetarë dhe struktura të LDK-së në Gjakovë, Rahovec dhe Malishevë.
Aktiviteti ka nisur në Gjakovën e Kuqe, qytet i historisë dhe sakrificës, ku vlerat e LDK-së kanë qenë gjithmonë pjesë e identitetit qytetar. Bytyçi theksoi se mbështetja e marrë nga qytetarët e Gjakovës dëshmon se rruga e maturisë, përgjegjësisë dhe vizionit institucional mbetet zgjedhja e duhur për Kosovën.
Më pas, ai ka qëndruar në Rahovec, ku, sipas tij, u ndje qartë besimi i qytetarëve se programi i LDK-së ofron drejtimin e duhur për zhvillim dhe stabilitet. Bytyçi vlerësoi rolin historik dhe institucional të këtij qyteti, i cili përveç dëshmorëve dhe luftëtarëve të lirisë, ka nxjerrë edhe figura të rëndësishme shtetërore, përfshirë deputetin dhe ish-kryeministrin Avdullah Hoti.
Ndalesa e fundit ishte në Malishevë, vendlindja e Fetah Rudit dhe gjeneralit Gëzim Hazrolli, ku u rikujtuan vlerat e qëndresës, disiplinës dhe përgjegjësisë që janë themel i Lidhjes Demokratike e Kosovës. Bytyçi theksoi se kjo trevë simbolizon seriozitetin dhe vizionin që kërkon ndërtimi i shtetit dhe ruajtja e lirisë.
Në përfundim, Flamur Bytyçi ka ritheksuar se angazhimi i tij do të vazhdojë në shërbim të qytetarëve dhe vlerave të LDK-së, duke ftuar për mbështetje në zgjedhjet e ardhshme.
Lidhja Demokratike e Kosovës – 123
Flamur Ukë Bytyçi – 80