Fadil Geci, i cili pritet të jetë kandidat për deputet nga radhët e LDK-së, ka zhvilluar një vizitë në Suharekë, ku është pritur nga kryetari i Degës së LDK-së, Dr. Ardian Shala.

Gjatë takimit, është diskutuar për angazhimet aktuale politike në komunë, sfidat, si dhe përgatitjet për zgjedhjet që pritet të mbahen.

Në postimin e tij në Facebook, Geci ka shkruar:

“Gjatë vizitës sonë në Suharekë, te kryetari i LDK-së Dr. Adrian Shala, u pritëm ngrohtësisht dhe zhvilluam një bisedë të frytshme mbi angazhimet dhe sfidat aktuale të komunës.
Dialogu i hapur dhe bashkëpunimi i mirëorganizuar na forcojnë bindjen se LDK-ja do të dalë edhe më e fuqishme në zgjedhjet e ardhshme, falë punës së përkushtuar në terren dhe mbështetjes së vazhdueshme të qytetarëve.”
— Fadil Geci

Takime të tilla po konsiderohen si pjesë e konsolidimit të strukturave të LDK-së dhe rritjes së koordinimit ndërmjet degëve, në prag të procesit zgjedhor që po afrohet.