Me një përkushtim të palëkundur ndaj familjes, komunitetit dhe zhvillimit të qytetit, Gjelbrim S. Veselaj ka zyrtarizuar kandidaturën e tij për Asamblenë Komunale të Suharekës nga radhët e Lidhjes Demokratike të Kosovës.
I propozuar nga anëtarët e nëndegës së LDK-së në fshatin Reqan, Veselaj shprehet se kandidatura e tij buron nga dëshira për të kontribuar me përvojë dhe përgjegjësi në zhvillimin, përparimin dhe mirëqenien e përbashkët.
“Ndryshimi fillon nga njerëzit që kanë guximin të ndërmarrin hapa konkretë. Jam i gatshëm të jem zëri i qytetarëve për çështjet që kanë rëndësi dhe për vizionin e një të ardhmeje më të mirë,” ka theksuar ai.
Veselaj kërkon mbështetjen e qytetarëve jo vetëm për kandidaturën e tij, por edhe për kandidatin për kryetar komune, Ardian Shala, duke theksuar rëndësinë e bashkëpunimit për një komunë funksionale, të zhvilluar dhe të drejtë për të gjithë.
