Fluksi i automjeteve me qytetarë në pikat e kalimeve kufitare të vendit tonë vazhdon edhe sot të jetë i ngarkuar.
Sipas gjendjes së orës 15:16, pritjet më të gjata vazhdojnë në dalje të pikës kufitare Merdare – deri në 2 orë, me kolona të automjeteve një kilometër, ndërsa në hyrje të kësaj pike kufitare pritjet janë 3 deri në 5 minuta dhe nuk ka kolona.
Pritje ka edhe në pikën kufitare Muçibabë ku kolona e automjeteve në dalje të kësaj pike kufitare është 500 metra e gjatë, me pritjet e qytetarëve një orë, teksa në hyrje ka kolonë të automjeteve deri në 100 metra dhe pritjet janë 20 minuta.
Te Dheu i Bardhë kolona e automjeteve në dalje të kësaj pike kufitare është 400 metra e gjatë dhe pritjet janë 40 minuta, ndërsa në hyrje pritjet janë 5 minuta dhe nuk ka kolona të automjeteve, njofton Qendra Kombëtare për Menaxhim Kufitar.
Kolona deri në 50 metra ka edhe në Kullë në kufirin me Malin e Zi, kur pritjet shkojnë deri në gjysmë ore, ndërsa në hyrje të kësaj pike kufitare kolona e automjeteve është 40 metra dhe pritjet shkojnë deri në 10 minuta.
