Si lider i kësaj jave, Vëllai i Madh ka vendosur që të sfidojë Gjestin me ‘valixhen e tundimeve’. Nëpërmjet një zarfi të bardhë, Gjesti ka zbuluar rolin e tij në këtë sfidë.
Ai do vendoste të merrte ose jo këtë valixhe, e cila ka shpërblime dhe dënime që mund të jenë për të ose për të gjithë banorët. Valixhja ka shtatë zarfe që Gjesti duhet t’i hapë, e nëse nuk i hap brenda afatit të caktuar bëhen të pavlefshme.
Banori tre prej këtyre zarfeve i ka hapur mbrëmë dhe dy prej tyre ditën e sotme. Njëri nga zarfet kishte një dhuratë për Gjestin, një udhëtim në Belek Hotel, hotel tërësisht i ri me një shërbim dhe ushqim të shkëlqyer.
“Gjest, Globus Travel të ka dhuruar një udhëtim fantastik në Etno Belek Hotel, hotel tërësisht i ri me një shërbim dhe ushqim të shkëlqyer dhe mundësi të shumta argëtimi”, shkruhej në zarf.
Banori falënderoi për këtë dhuratë dhe u shpreh se do të shkojë kur të dalë nga shtëpia më e famshme në Shqipëri, “Big Brother VIP 4”.