Policia e Kosovës, në raportin 24-orësh dërguar mediave, ka njoftuar për një rast të gjetjes së një mjeti të dyshuar shpërthyes në fshatin Papaz të Suharekës, të premten rreth orës 15:30.
Sipas raportit, një mashkull kosovar ka lajmëruar policinë pasi, gjatë pastrimit të një pjese të pyllit në pronën e tij, ka hasur në një mjet të dyshuar si mjet shpërthyes i pashpërthyer.
Policia ka dalë menjëherë në vendngjarje dhe aktualisht po siguron perimetrin derisa të arrijë Njësia për Deminim, e cila do të marrë përsipër shpërbërjen dhe largimin e sigurt të mjetit.
Ngjarja pritet të trajtohet sipas procedurave standarde të sigurisë, ndërsa nuk raportohet për persona të lënduar.