Një 29 vjeçar është plagosur nga gjuajtja me armë zjarri në rrugën në Prizren.
Rasti ka ndodhur orës 18:00. Viktima ka pësuar plagë në këmbën e majtë dhe sipas mjekut gjendja e tij është stabile.
Zëdhënësi i policisë për rajonin e Prizrenit, Shaqir Bytyqi ka thënë për gazetën online Reporteri.net se i dyshuari është paraqitur në stacionin policor dhe se po zhvillohen procedurat e mëtutjeshme në koordinim me Prokurorin e Shtetit.
“Policia më datë 30.08.2025, rreth orës 18:00, ka pranuar informacion për të shtëna me armë zjarri në rrugën “Ismet Jashari”, në Prizren.
Rreth orës 18:12, nga Emergjenca e Spitalit është njoftuar se një person kishte kërkuar ndihmë mjekësore si pasojë e plagosjes nga arma e zjarrit. Viktima, Z.B., mashkull 29 vjeç, ka pësuar plagë në këmbën e majtë dhe sipas mjekut gjendja e tij është stabile.
I dyshuari, V.S., mashkull 24 vjeç, me ftesë të Policisë është paraqitur në Stacionin Policor rreth orës 19:20.
Njësitë përkatëse policore kanë dalë menjëherë në vendngjarje dhe janë duke ndërmarrë të gjitha veprimet e nevojshme hetimore. Lidhur me rastin, procedurat e mëtejshme po zhvillohen në koordinim me Prokurorin e Shtetit”, ka thënë Bytyqi për Reporteri.net.
