Numri i rasteve të dhunës në familje në vendin tonë ka marrë përmasa shqetësuese. Çdo ditë raportohen ngjarje të tilla ku viktima zakonisht janë gratë dhe vajzat që përjetojnë dhunë psikike e fizike kryesisht nga bashkëshortët e tyre, raporton Gazeta Sinjali.
Një ngjarje e tillë është raportuar mbrëmjen e së martës në Lipjan, ku një grua ka kërkuar ndihmën e Policisë pas një situate të tensionuar në familje.
Burimet brenda institucioneve të rendit bëjnë me dije se rreth orës 22:30, në rrugën “Isa Olluri” është raportuar një rast i dhunës në familje, ku viktimë është B.T., rreth 45-vjeçare, e cila ka denoncuar bashkëshortin e saj, S.T., rreth 58-vjeçar.
Rasti është trajtuar nga njësia e specializuar për dhunë në familje. I dyshuari është intervistuar në prani të avokatit mbrojtës dhe ka mohuar veprimet e dhunshme, duke deklaruar se konflikti ka ardhur për shkak të xhelozisë së bashkëshortes.
Me urdhër të Prokurorit të Shtetit, rasti është iniciuar si “Dhunë në familje” dhe është proceduar në gjendje të lirë