Trajneri i Ballkanit, ismet Munishi njihet si njëri prej trajnerëve më karizmatik në futbollin e Kosovës.
Munishi i cili po e drejton me sukses skuadrën e Ballkanit, ishte i ftuar së bashku me gruan e tij, Fluturën në “Kanal10” në një rrëfim tejet interesant, transmeton Zëri.
Flutura ka treguar se si u takuan me Ismetin.
“Jemi takuar në Bamboo, si student, e kam njohur përmes një miku tim, i ndjeri Arian Daci. Përmes tij e kam dëgjuar emrin e Ismetit”, thotë ajo.
“Kemi pasur fillimin e mirë, ka kaluar lidhja jonë pa asnjë pengesë. Futbollin sot e ndjekim bashkë me Ismetin”, tregon Flutura.
“Kur jam njoftuar me Ismetin, atëherë ka filluar me punën e trajnerit. Te Trepça’89, i kemi dy fëmijë, Anilën dhe Diegon”, deklaroi ajo.