Kreu i AAK-së, Ramush Haradinaj thotë se kryeministri i Kosovës, Albin Kurti ka ndërtuar një Kala prej letre, raporton GazetaBlic.
Teksa ka folur për përgjimet e sotme, Haradinaj thotë se Albin Kurti po bëhet politikani më qesharak dhe më i dëmshëm në historinë më të re të Kosovës.
“Krejt çfarë ka bërë Albin Kurti në jetën e tij politike është: Ai e ka ndërtu një kala prej letre, e cila do të bie në të njëjtën mënyrë siç edhe është ndërtuar”, shkroi tutje Haradinaj.
Shkrimi i plotë:
Albin Kurti ka ndërtuar një Kala prej letre!
Skandalet e njëpasnjëshme të ministrave dhe të bashkëpunëtorëve më të ngushtë të Albin Kurtit; kursi i gjoja “politikanit të fortë” i vet Albinit dhe zbrapsja e tij prej krejt çfarë ka thënë e ka premtuar në jetën e tij, e bëjnë atë politikanin më qesharak e më të dëmshëm në historinë më të re të Kosovës.
Krejt çfarë ka bërë Albin Kurti në jetën e tij politike është: Ai e ka ndërtu një kala prej letre, e cila do të bie në të njëjtën mënyrë siç edhe është ndërtuar!